Hillary Clinton aamma John McCain tapersersorteqarluarput

Amerikami naalagaaffiit ilaanni New Hampshire-mi, 2008-mi præsidentimut qinersinissamut atatillugu, partiip iluani piukkunnartorsiorluni siulliulluni qinersiffiusussami, isumasiuinermi Hillary Clinton aamma John McCain siuartuupput.

Inuit amerlaqisut kissaatigigaluarpaat George W. Bush ingerlaannartumik præsidentiunerminit tunuassasoq.

Taama pisoqassagaluarpat taarserlugu præsidentinngortussatut piukkunneqartut tassaapput Hillary Clinton, Demokratiusoq aamma John McCain Republikaneriusoq. New Hampshire-mi qinersisartut taama isumaqarput.

Præsidentimut qinersinissamut atatillugu partiip iluani piukkunnartussarsiornermi, New Hampshire sunniuteqangaatsiartarpoq, tassa naalagaaffik siulliulluni taamatut qinersiffiusarmat.

Isumasiuinermi ersersinneqarpoq Clinton Demokratit 2008-mi præsidentimut qinigassanngortitassaattut 31 procentinit piukkunneqartoq. 26 procentit McCain Republikanerit qinigassanngortitassaattut piukkukkaat.

Inuit isumaannik paasiniaaneq isumasiuisarfimmit Research 2000-imit aviisi Concord Monitor sullillugu ingerlanneqarsimavoq.