Hilary Clinton Texasimi ajugaavoq

Texasimi qinersisut kiseqqissaarneqarnerisa takutippaat, Hillary Clintonip Barrack Obama ajugaaffigigaa, Ohiomilu aamma Clinton ajugaagaluarluni ataatsimut isigalugu Demokraatit qinigassanngortitassaattut Obama suli inorpaa.

Republikanerilli akornanni John McCainip novembarimi qinigassanngortinneqarnissani ippassaq qulakkeerpaa.

USAmi naalagaaffinni arlalinni Hillary Clintonip Barack Obama ajorsarteqattaaleraluarlugu ukiaru qinigassanngortinniassaguni suli unammillertini oqallorissoq, Obama ajorsarteqattaartariaqarpaa.

-Amerikamiut neriorsuinerit qatsuppaat, ajornartorsiutit qaangerniarlugit aaqqiissutissanik tusarusunnerupput, Hillary Clinton oqarpoq.

Barack Obama sapaatip akunnerini kingullerni Clintonimit McCainimillu sakkortuumik appisaluunneqaqattaarpoq.

-Hillary Clinton John McCainilu akisuasutullusooq nutarterinissaq isumaqatiginngilaat, Obama tapersersortiminut oqalugiarluni oqarpoq.

Republikanerip McCainip qineqqusaavissornissaq aallartisarlugu takutinniarsaraa USA aqussinnaallugu. Saddam Husseinip aqutseriaasaanut tapersersuisut ajugaaffigiumaarlugit, Irakimillu saassussigaluarneq sivisuallaamik kukkusumik ingerlanneqarsimanerarlugu oqarluni, McCain isornartorsiuivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat