Hermann Berthelsen Karl Lyberthimut: Paasinnissinnaasut paasinnillik!

Siumumi aaqqiagiinnginneq ingerlajuarsinnarpoq. Siumumi politikkikkut oqaaseqartartoq Karl Lyberth oqarpoq Qeqqata Kommuniata borgmesteriata oqaasii akuersaarsinnaannagit Hermann Berthelsenillu maanna akivaa.

Alcoa pillugu Qeqqata Kommuneani kommunalbestyrelsemi siuttut marluk aaqqiangiinngissuteqarput.
Maniitsumi Alcoap aatsitsiviliornissaanut tunngatillugu Qeqqata Kommuneani borgemesteri, Hermann Berthelsen, SIK aamma Sulisitsisut Peqatigiiffiat peqatigalugit pingasunngormat maajip 18-iani tusagassiortinut nalunaaruteqarput, Naalakkersuisut tuavisaarlugit Alcoamut tunngasumik nassuiaateqaqqullugit, ilaatigut tuavisaaralutik piginnittussaatitaanermut tunngasut piaarnerpaamik iluarsiivigineqarnissaannik.

'Tupannarpoq akuerineqarsinnaananilu', taama allappoq Qeqqata Kommuneani borgmesterip tullersortaa, Karl Lyberth, Siumut nangillunilu.

- Taamatut nalunaaruteqarneq kommunalbestyrelsemi oqaluuserineqarnikuunngilaq akuerineqarnikuunanilu, Karl Lyberth tusagassiutinut nalunaaruteqarnermini allappoq.

Qeqqata Kommuneani borgemesteri Hermann Berthelsen tamatumunnga ima akivoq:

- Taamatut oqaaseqartoqarnera utertsitariaqarpara, tassami siorna 2010-mi juunip 25-ani Karl Lyberthilu taamatorluinnagajak ittumik allaaserisaqarnikuugatta, Hermann Berthelsen oqarpoq.

Karl Lyberthip tusagassiutinut nalunaarumminni allappoq, issuaaneq aallartippoq:

'Maniitsormiuulluni tupaallannaqaaq akuerineqarsinnaananilu Qeqqata Kommunea sinnerlugu borgmesterip tusagassiutinut taamak nalunaaruteqarnera', issuaaneq naavoq.

Karl Lyberthip ernumaginerpaasaa tassaavoq, Alcoap qangali pilerssaarutaa maangaannartinneqariaannaammat, tassami Hermann Berthelsen, SIK aamma Sulisitsisut Peqatigiiffiat peqatigiillutik allapput, issuaaneq aallartippoq: 'Alcoa piumasaqassappat nunarput piginneqataassasoq, taava Alcoap nukinnik atuiffigineqarnissaa pisariaqanngilaq', issuaaneq naavoq.

- Nalunaarutitsinniuna allaaseerigipput, Naalakkersuisut uparuarlugit, suliamut pisumut sulinerat sukkanerulaamik ingerlanneqartariaqartoq, soorlu aamma siorna juunip 25-ani taamatut allaaserisaqartugut. Tamannalu kommunalbestyrelsep isumaanut naleqqiullugu allaanerussuteqanngilluinnarpoq, tamannalu paasinnissinnaasut paasissavaat!, Hermann Berthelsen oqarpoq, nangillunilu:

- Neriuutigisimagaluarpara Inatsisartuni Siumut illuatungiliuttutut oqaaseqarnissaa, tamannali pisimanngilaq tassalu taanna maanna pakatsissutigisara, Hermann Berthelsen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat