Henrik Rafn A/S inissiaatileqatigiiffmmi INI-mi 1 juni pisortaanertut atorfinissaaq.

52-nik ukiulik  Henrik Rafn siornatigut Ilulissat kingornalu

Qaasuitsup kommuneani kommunaldirektøriusimavoq, 2012 tikillugu.

Kalaallit Nunaanni misilittagaqarluarnera pisortaanermik toqqaanermi pingaartinneqarpoq.

- Henrik Rafh-ip 1993-mit nunatsinniissimavoq, ingerlatsinermik aamma aningaasaqarnermut aqutsisuusimanera ilinniarsimaneralu pisortaanertut toqqarneranut pissutaapput, Jette Larsen oqarpoq. -  Avannaani kommunit arfineq pingasut kattussuunneqarneranni 2009-imi allaffissornikkut aqutsisuuvoq tassalu misilittagai aallaavigalugit pisortaanertut atorfinitsinneqarpoq, A/S Inissiaatileqatigiiffimmi INI-mi siulersuisut siulittaasoq Jette Larsen taama oqarpoq.

A/S INI-mi nutarterinerup maanna ingerlanneqartup ingerlateqqinneqarnissaanut pisortaanermik toqqaaneq siulersuisuni pingaartinneqarpoq.

A/S inissiaatileqatigiiffimmi INI-mi attartortunik kiffartuussinerup ersarinnerusup suliarineqarnissaa siulersuisunit kisaatigineqartoq, Jette Larsen oqarpoq.

-Suliassartarpiaa ersarissarusupparput aamma pikkorinnerulernissarput sulissutigivarput, AS Inissiaatileqatigiiffiup siulersuisuni siulittaasoq oqarpoq.

A/S INI-mi nutaamik pisortaqalerneq siulersuisuni siulittaasumit Jette Larsenimit  isumalluarfigineqarpoq

- A/S INI-mi suliassarpassuupput, taamaattumik tulluartumik  pisortartaarnerput naatsorsuutigivarput soorunalimi taanna aallaavigalugu atorfinitsipparput, Jette Larsen oqarpoq.

Taassuma ilanngullugu erseqqissaatigeqqippaa, A/S Inissiaatileqatigiiffiup qullersaqarfia Sisimiuniittoq Nuummut nuunneqassanngimmat taamaattorli pisortaaneq tullersortaalu Nuummi najugaqassasut.