Medie: Henrik Fleischer Siumumut nuuttoq
Partii Naleraq sinnerlugu inatsisartuni ilaasortanngortup Henrik Fleischerip Partii Naleqqamit tunuarnera siulittaasumit Hans Enoksenimit paasiuminaatsinneqarlunilu ajuusaarutigineqarpoq. Sermitsiaq.AG taama allaaserisaqarpoq.
Allattoq Bikki P. Kleist, Anton Gundersen Lihn
maajip 20-at 2018 16:39
Hans Enoksenip aamma oqaatigaa, Henrik Fleicherip Partii Naleqqamut nalunaarutigisimagaa Siumumut ilaasortanngulerluni.
- Siumumut nuunniarluni aalajangersimammat misigisimavugut nuannerpallaanngitsumik, Hans Enoksen aviisimut taama oqarpoq.
AAMMA ATUARUK Henrik Fleischer Partii Naleqqamit tunuartoq
Henrik Fleischer arfininngornermi nalunaarpoq, Partii Naleqqamit ilaasortaajunnaarniarluni.
KNR-imit Henrik Fleischer sapaammi ualikkut oqaloqatigaarput, taamatulli nalunaaruteqarnini annerusumik oqaaseqarfigiumanngilaa aatsaalli piinsereerpat oqaaseqarfigisinnaanerarlugu.
