Henrik Fleischer Partii Naleqqamit tunuartoq

Partii Naleraq sinnerlugu Inatsisartuni ilaasortanngortup, Sisimiuninngaanneersup, Henrik Fleischerip Partii Naleraq qimappaa.
Allattoq Bikki P. Kleist, Anton Gundersen Lihn
maajip 19-at 2018 16:32

Henrik Fleischer arfininngornermi tusagassiuutiinut taama nalunaaruteqarpoq.

Sisimiuni Partii Naleqqamit aamma nuna tamakkerlugu siulittaasup tulliattut tunuarpunga, Henrik Fleischer taama nalunaaruteqarluni allappoq. 

AAMMA ATUARUK Kielsen-ip Siverth, Hans aamma Vittus Naalakkersuisooqatigilerpai

- Uanga misigisimagama politikikkikkut suleqqinnissanni ingerlariaqqittariaqarlunga, erseqqissaatigissavaralu naalakkersuisooqatigiit innarlerniarlugit sulinnginnama aamma sulissannginnama, Partii Naleqqamit tunuartoq taama oqarpoq. 
 
Partii Naleqqamit tunuartup attaviitsutut partiimulluunniit allamut nuussanerluni nalunaarutiginngilaa. Partii Naleraq sinnerlugu qinigaasut sisamaapput, Henrik Fleischerilu 143-inik taaguunneqarluni.

KNR-imit Henrik Fleischer arfininngornermi ualikkut oqaloqatigaarput, taamatulli nalunaaruteqarnini oqaaseqarfigiumanngilaa aatsaalli piinsereerpat oqaaseqarfigisinnaanerarpaa.


 

AAMMA ATUARUK Aajukua Inatsiartuni ilaasortanngortut

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq