Henrik Estrup Mittarfeqarfinni pisortaaninngussaaq

Mittarfeqarfinni pisortaaneq nutaaq Namminersorlutik Oqartussanit toqqarneqarpoq. Mittarfeqarfinni pisortaaninngortussaq tassaavoq misilittagartooq Henrik Estrup, Mittarfeqarfinni juunip aallaqqaataani pisortaaninngortussaq.

Allattoq Karsten Sommer

maajip 21-at 2019 19:07

Nutserisoq Mads Lynge

59-inik ukiulik Henrik Estrup ukiorpassuarni pisortatut misilittagaqarpoq, suliffeqarfik Arssarnerit ilaatigut pisortaaneruffigisimallugit. Henrik Estrup Nuuk Imeq A/S-imi, Great Greenland A/S-imi Nukissiorfinnilu pisortaanertut siornatigut atorfeqarsimavoq.

Mittarfeqarfinni pisortaaninngortussaq sulililernissaminut qilanaarpoq:

- Mittarfeqarfiit Kalaallit Nunaanni suliffeqarfiit annersaasa ilagaat, Kalaallit Nunaanni angallannermut attaveqaqatigiinnermut tamanut annertuumik sunniuteqartoq. Suliffeqarfimmut piumasaqaatit ataatsimut isigalugit annertusinerisa, Kalaallit Nunaannilu mittarfiit nutaat sanaartorneqarnerisa kingunerisaannik suliffeqarfimmi allannguutissanut pisariaqartunut akuunissara qilanaaraara, Henrik Estrup oqarpoq.

Henrik Estrupip, Mittarfeqarfinni pisortaanerusimasoq Marie Fleischer, marsimi ukioq manna soraarniuteqartoq, pisortaanertut kingoraassavaa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.