Henrik Estrup Arssarnerni pisortaaninngussaq
Arssarnerit, Nunatsinni innaallagisserinermik suliffeqarfiit annersaata, Nukissiorfiit pisortaatut tunuartup Henrik Estrupip suliffeqarfimmi pisortaaninngornissaa nalunaarutigeqqammerpaa.
Allattoq Simon Uldum -
februaarip 06-at 2014 07:46
- Henrik Estrup atorfimmut piukkunnarluinnarpoq nunatsinnilu attaveqarfigisarpassuaqarluni, piginnaasamigullu Arssarnerit ineriartortittuarnissaanut suliffeqarfiullu pisinnaasaanik Nunatsinnilu innaallagisserinermik suliaqartut siuttuattut inissisimaneranik nukittorsaasinnaalluni, Arssarnerit siulersuisuini siulittaasoq Peter Kaas Hammer taama oqarpoq.
Pisortaanertut atorfinittup suliassani qilanaarai.
- Arssarnerit suliffeqarfiuvoq pissanganartoq, piginnaasarpassualik periarfissarpassuaqartorlu. Suliffeqarfiup ingerlalluartup taamatut ingerlaannarnissaata saniatigut aamma suliffeqarfik piginnittunut aammalu inuiaqatigiinnut kalaallinut iluaqutaasussamik ineriartorteqqinnissaa suliassarissavara, Henrik Estrup oqarpoq.
