Helle Thorning-Schmidt angerlarpoq utoqqatseriartorluni

Socialdemokratit siulittaasuat Helle Thorning-Schmidt sianiitsutut eqartutulluunniit imminut oqaasipiluuppoq feeriarnerminiit ullaap tungaani angerlarluni tikikkami uimilu Danmarkimiittarnera pillugu paasissutissat imminnut assortuuttut nassuiarlugit.
juulip 30-at 2010 13:34

- Angerlarpunga utoqqatseriartorlunga ajuusaariartorlungalu, ministeriunertut qinigassanngortittoq nammineq uimilu akileraarutitigut sianiinaariniarsimanertik pillugu pasilliinerit unitsinniarlugit oqarpoq.

- Matumani uannut uinnullu aningaasatigut iluanaarniarneq pineqanngilaq, taama oqarpoq.

Thorningip 2009-mi oktobarimi inatsisinik atortitsinermut ministereqarfimmut mailikkut allakkamini kukkusimanini uteqqippaa, tassa uini ukiumut sapaatit akunnerisa naanerini 52-ini Danmarkimiittartoq. Kisitsisit eqqortut tassaapput sapaatit akunnerisa naaneri 33-t, taama erseqqissaavoq.

Tusagassiortunut sassarnermini socialdemokratit partiitut siulittaasuata taassuma siulittaasoqatiminit konservativiusumit taamatullu isornartorsiorneqartigisumit nunanut allanut ministerimit Lene Espersenimit allatut pissusilersorpoq. Taanna suli feeriartuarsinnarpoq.

Helle Thorning-Schmidt ajornartorsiulerpoq uimi tuluup qanoq Københavnimi angerlarsimaffimminniittartiginera pillugu imminnut assortuuttunik paasissutissiisimanera paasineqarmat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq