Helle Thorning: Pinerliiniaqatigiinnut attuumassuteqarunanngilaq
Københavnimi sapaatip akunnerata naanerani oqallittunut juutillu oqaluffiannut peqqarniisaarniap saassussineri pinerliiniaqatigiinnut attuumagunanngillat.
Ministeriuneq Helle Thorning-Schmidt tusagassiortunik nunanit assigiinngitsuneersunik katersuutitsinermini ataasinngornerup ualinerani oqarpoq.
Tunuarsimaanngilarli sapaatip akunnerata naanerani pisimasut peqqarniisaarniarnertut taassallugit.
Peqqarniisaarniartoqarpoq
Peqqarniisaarsimaneragaasorli pillugu paasissutissat suli annikinnerarnerangaammata isumaqatigalugit.
- Inuup taassuma eqqarsaatigisimasai siunertaarisimasaalu pillugit paasissutissat annikittuararsuupput. Iliuuserisimasaali nalilissagaanni peqqarniisaarniartoqarsimaneratut paasiniaavugut, ammasumimmi oqallititsineq juutillu oqaluffiat saassuppai, ministeriuneq naliliivoq.
Aamma atuaruk Angutit marluk pinerliiniamik toqutaasumik ikiuisimanertik parnaarussaassutigaat
Ministeriuneq taama oqaaseqarpoq, angutit marluk peqqarniisaarniarsimasorisamut 22-nik ukiulimmut ikiuussimasutut unnerluutigineqaqqammersullu, ullunilu qulini parnaarussaallutik.
Eqqartuussutsip inernera nalunaarutigineqarpoq Københavnip politeeqarfiani eqqartuussisoq akunnerni arlalinni killisiuereersorlu.
Københavnip politiivisa angutit marluk toqutseqataasimasutut, toqutseriarsimasutut nakuusersimasutullu unnerluuppaat. Taakku saniatigut unnerluunneqarput pillasarnermut inatsimmik unioqqutitsisimasutut.