Helge Adam Møller: Inatsisinik unioqqutitsinerussaaq
Konservativineersoq Helge Adam Møller, Folketingip siulittaasoqarfianut ilaasortaasoq oqarpoq:
- Peqquserluttuliornerussaaq, inatsisinillu atuuttunik unioqqutitsinerussalluni. Konservativit sinnerlugit Folketingimut ilaasortaq Helge Adam Møller, Folketingillu siulittaasoqarfianut ilaasortaq taama oqarpoq, taasinernilu peqquserluttuliortup Folketingimit ingerlaannaq atuutilersumik anisitaanissaa oqaatigalugu.
Folketingimut ilaasortat ataasiakkaat parteeqatitik issiavimmut ingikkiartortut taasissukkaangamikkit uparuarneqartartut taassuma aamma oqaatigaa, Christiansborgimili najuutingitsut taasissunneqassagaluarpata sakkortuumik iliuuseqarfigineqarnissaat oqaatigalugu:
- Folketingip ataatsimiittarfianni Christiansborgimiluunniit najuutinngitsoq taasissunneqarpat taava Folketingip siulittaasoqarfianit suliarineqassaaq, sakkortuumillu iliuuseqarfigineqassalluni. Folketingimi najuutinngitsoq sinnerlugu taasisup inatsisit atuuttut unioqqutissavai, Folketingiminngaanniillu anisitaassalluni, Helge Adam Møller erseqqissaavoq.
Folketingip siulittaasua Thor Pedersen, Venstreneersoq, pissarsiariniarsarigaluaratsigu iluatsinngilarput.
