Innarluutillit illersuisuat: Naalakkersuisut tamarmiullutik innarluutilinnut tunngassutillit susassaqarfigaat

- Tiliuminngaanniit Naalakkersuisut tamaasa suleqatigilluarnissaannut qilanaarpugut inuillu innarluutillit atugaannut pitsanngorsaataasinnaasunik siunnersuuteqassalluta piareersimavugut. Naqissuseqqikkusupparput innarluuteqarneq eqqartorneqartillugu inunnik isumaginninnermut politikki kisimi pineqarneq ajormat, Innarluutillit illersuisuat Christina Johnsen oqarpoq.

- Innarluuteqarneq inuuneq tamaat pisinnaasarpoq, inunngornermiit toqussaq tikillugu. Taamaattumik Naalakkersuisut tamarluinnangajammik suliatsinnut attuumassuteqarput. Peqqinnissaq, suliffeqarneq, attaveqaqatigiinneq, ilinniartitaaneq, avatangiisit, isumaginninneq allarpassuillu attuumassuteqarfigaagut, Innarluutillit illersuisuat oqarpoq.

AAMMA ATUARUK Meeqqat innarluutillit sammineqarnerussapput

Inuit innarluutillit tamarmik pisariaqartitaat assigiinngitsuunerat, Innarluutillit illersuisuata eqqaasitsissutigaa, tamarmillu immikkut nalilerneqartariaqarnerat oqaatigalugu.

- Inuit innarluutillit inuttulli allatut inuunertik ingerlakkusuppaat aamma inuttut allatulli periarfissaqarusuppugut. Taamaattumik neriuutigaarput, inuit innarluutillit inuiaqatigiinnut aningaasartuutitut isiginagit inuiaqatigiinnni pisuussutitut isigineqassasut, Christina Johnsen oqarpoq.

Inunnut innarluutilinnut suliniutini nutaani, Naalagaaffiit Peqatigiit innarluutillit pillugit isumaqatigiissutaata ilanngunneqartarnissaa Tiliuminngaanniit siunnersuutigineqarpoq, isumaqatigiissutillu malinneqarnersut malinnaanissartik neriorsuutigalugu.

AAMMA ATUARUK Ny uddannelsesmulighed for handicappede