Angut 19-nik ukiulik Sisimiuni Louise Hegelundimik toqutsisimasutut pasineqartoq juunimili tigummineqalersoq, eqqartuussiviup ullumi aalajangigaanik sapaatip-akunnerini sisamani tigummigallagassanngortinneqarpoq, politiit suliaq suli misissuiffigimmassuk, politimesterip tullersortaa, Morten Nielsen taama ilisimatitsivoq.
Sisimiuni eqqartuussineq matoqqasumik ingerlanneqarpoq misissueqqissaartoqarnera pissutigalugu, 19-inillu ukiullip pasineqarnerminut qanoq isumaqarnera taamaattumik ilisimatitsissutigineqarsinnaanngilaq.