Qasigiannguani talittarfik manngertornermik eqqugaasoq
Umiarsuarnut angisuunut talittarfiup qaavata ilaa nakkaassimavoq, itersarsuaqalerluni inunnullu qamutinulluunniit tikitsaaliorlugu assiaquserneqartariaqarlerluni.
Talittarfiup avannamut sinaani napasut saviniusut immap iluanut ataneri, sioqqanut ujaqqanullu assiaqutaasut, asiusimapput, sioqqat ujaqqallu avammut sisusimallutik.
Taamaammat umiarsuuit imaannik ilioqqaaffigineqarsinaasoq annikillivoq.
Royal Arctic Linemi ulluinnarni ingerlatsinermi pisortaq Taatsiannguaq Olsen taama oqarpoq.
Ajoquserneq annertuneruleqqunagu aqqartartut sulipput.
Talittarfiulli ajoqusernera Royal Arctic Linep assartukkanik sullissineranut annerusumik kinguneqassanngilaq:
Ajoqusernerit 2018-mi sikuerpat iluarsineqarnissaat naatsorsuutigineqartoq Naalakkersuisut Inatsisartunut ilaasortap Villy Olsvigip paragraf 37 atorlugu apeqquteqaataanut akissummi allapput.