Hashimik eqqusseriaraluarneq pillugu eqqartuussisoqarpoq
Nuup Eqqartuussiviani maannakkorpiaq eqqartuussinerujussuaq ingerlanneqarpoq. Angutit marluk hashimik kiilunik arlaqartunik oqimaassusilimmik eqqussisimasutut unnerluutigisaallutik eqqartuussaapput. Haship eqqunneqariaraluartut katillugit 35 kilonik oqimaassuseqarput.
Angutit marluk 33-nik 28-nillu ukiullit pinngitsuunerarput pinngitsuutitaanissartillu piumasaralugu. Hashi pillugu suliassaq siorna novembarip qaammataaninngaanneersuuvoq, 33-nik ukiulik allalu eqqartuussaareersimasoq hashimik nunatsinnut eqqusseriaraluarmata.
- Unnerluussisussaatitaasunit angutip aappaata ukiut sisamassaat avillugu appaatalu ukiuni pingasuni pineqaatissinneqarsimasunut inissiisarfimmiinnissaat piumasaraarput. Taamaakkaluartoq suliaq pillugu allanik oqaaseqarsinnaanngilagut, unnerluussisoq Sara Petersen Nuummik politiininngaanneersoq oqarpoq.
Eqqartuussutip inernissaata tungaanut suliassaq sapaatip-akunnerata tulliani nangeqqinneqassaaq.