Hash pillugu inuit arlallit tigusarineqartut
Danmarkimit Kangerlussuarmut arnaq 22-nik ukiulik marlunngormat apriilip 17-ianni tikittoq hashimik 2 kilomik lanngaaserisunit nassaarfigineqarpoq.
Arnaq hashimik eqqusseriartutut tigusaanermi kingorna Ilulissani Qaasuitsup eqqartuussiviani ulluni 28-ni tigummigallagassanngortinneqarpoq.
Sisimiuni Nuummilu politiit suliaq misissuiffigigamikku apriilip 25-anni inunnik pingasunik tigusaqarput, ilaatigut arnaq 52-nik ukiulik tigusarineqarluni. Taanna unnerluutigineqarpoq hashimik eqqussisimasutut kilonillu arlalinnik tigummiaqartutut.
Kingorna Nuummi angerlarsimaffiit arlallit misissuiffigineqarput, taamaaliornermilu hashi 700 gram nassaarineqarpoq koruunillu 120.000-it arsaarinnissutigineqarlutik.
Eqqartuussisoqarfik Sermersuumi arnaq 52-inik ukiulik sassartinneqarmat, unnerluussisuutitaasup piumasaraa suliap misissuiffigineqarnerani arnaq tigummigallarneqassasoq