Hash-imik iisisoq aallarteqqereerpoq

Pinerloqqissagunik pineqaatissinneqarnissamik hashimik eqqussersiarsimasutut eqqartuussaanneq angutit 20-nik ukiullit anngiortumik eqqusseriartarnerminnut unissutiginngilaat.
Allattoq Noah Mølgaard
februaarip 13-at 2012 11:42

Angutit marluk 20-nik ukiullit pinerluuteqaqqissagunik qaammatit pingasut pinerluuteqarsimasutut inissiisarfimmiittussanngorlugit eqqartuunneqarput hashi 750 gram eqquteriareeraat. 75.000 koruuninik aamma akiliisussanngortinneqarput.

Eqqartuussaanerminnit sapaatip akunnera qaangiutiinnartoq anngiortumik suliartik aallarteqqereersimavaat. Sisimiuni  politiit nalunaarput angutit taakku marluk Kangerlussuarmi unitsinneqarsimasut Danmarkimut ingerlaniartillugit. Aningaasat 9.950 koruunit aamma 12.550 koruunit nassatarisimavaat hashimik tuniniaanermi isertitaannguatsiartut.

Aningaasat politiinit arsaarinnissutigineqarput angutillu taakku Danmarkimi najugaqartut suli eqqartuussaaqqinnissartik naatsorsuutigisinnaagaat Sisimiuni politiit nalunaarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq