"Hans Hedtoft" ujarneqalerpoq

Ilisimasassarsiorluni angalanermi Galathea 3-mi umiarsuarineqartoq ”Vædderen” atorlugu, umiarsuaq Hans Hedtoft 1959-mi januaarip 30-iani atoqqaarfissiorneqarluni Københavniliartilluni inunnik 95-nik ilaasoqarluni umiusoq ujarneqassaaq. Hans Hedtoft pillugu Ilisimasassarsiortut pilersaarutaat suliniaqatigiinnit pissangatigineqaqaaq. Taakku 2003-mi umiarsuup Hans Hedtoftip ujarneqarnissaanut aningaasaliiffigineqarnissamik ujartuisimagaluarput, taamalu Galathea 3-mi ilaaniarsimagaluarnerat pinngitsoortinneqarsimalluni.

- Tamanna periarfissatsialassuuvoq, taama ititigisumut aqqarnissamut atortut ”Vædderen”-ip tamaasa pigai, taamaalilluni suliap torersumik suliarineqarnissaa periarfissaqarluarpoq, Hans Hedtofti pillugu suliniaqatigiiffimmi aqqartartuusoq qallunaaq Thomas de Richelieu oqarpoq.

Hans Hedtoft umiummalli eqqumiitsumik qanorpiaq pisoqarsimanera sumerpiarlu umiusimanera paasineqartariaqarpoq.

Hans Hedtoftip umiunerata kingorna qaammatit qulingiluat qaangiuttut nassaarineqartutuaavoq, annanniut Islandimut tipisimasoq.