Inatsisartunut qinersinissami qinigassanngortittussat kingusinnnerpaamik nalunaarfissaat tassaavoq novembarip aallaqqaataa. Inatsisartunut qineqqusaarniaraanni, sapaatit akunneri pingasut sioqqullugit, qinigassanngortikkusunneq nalunaarutigineqartussaavoq. Novembarillu 22-ani inatsisartunut qinersissaagut.
Naalakkersuisut siulittaasuat Hans Enoksen inatsisartunut qinigassanngortissanersoq raatiuaviisip aperigaluarmagu, Hans Enoksen oqarpoq, qinigassanngortissinnaanissaq pillugu oqaaseqarumanani.
Aamma qaqugu kingusinnerpaamik qinigassanngortissinnaaneq nalunaarutiginiarnerlugu oqaatigiumanngilaa.