Hans Enoksen: Tommy Marø nassuiaasariaqarpoq
Naalakkersuisunut ilaasortanngorlaap, Tommy Marøp, Naalakkersuisunut Demokraatinullu oqaatigisimasani nammineq nassuiartariaqarpai.
Taama allappoq Naalakkersuisut siulittaasuat, taamaalillunilu aamma Tommy Marøp nammineq naalagaa, Hans Enoksen, Tommy Marøp politiit biiliinik angerlaatsikkusussimaneranut tusaamasaanerlugaaleqisumut atatillugu.
Tommy Marø-p Radioavisimi nassuiaataanut atatillugu uppernarsaatinik nassiusseqqullugu Demokraatit piumasaqarput.
Tommy Marø taamani oqarpoq, julefrokostereernerup kingorna Sermitsiami allaaserisaq atuareerlugu nammineq pineqarluni Inatsisartuni partiinut tamanut kalerriussimallugu.
Demokraatilli saaffigineqarsimanngillat, Hans Enoksen aamma allappoq, uppernarsaatissanik qinnutigineqartunik pigisaqarani.
Taamaammat Tommy Marø Enoksenimit kajumissaarneqarpoq partiinut tamanut ilisimatitsissuteqarsimanerminut uppernarsaatinik tunniusseqqullugu.
