Hans Enoksen siullittaasutut qinigaaqqippoq
Siumut siulittaasussassaanik qinersinermi Siumup siulittaasua Hans Enoksen qinigaaqqippoq. Siumut partiiata siulittaasua Hans Enoksen, siulittaasumut ullumi toqqaannartumik taasisoqarnerani qinersisut 60 procentiisa siulittaasussatut qinerpaat.
Allattoq Jaaku Lyberth
Siumut partiiani ilaasortat 1531-t toqqaannartumik taaseqataapput
Hans Enoksen 821-nit taaneqarpoq. Aleqa Hammond 648-nit Vittus Mikaelsenilu 62-init taaneqarlutik.
Siulittaasutut qinigaaqqittoq, Hans Enoksen qinersinerup inernerinik kisitsisoqarnerani Siumut inatsisartut allaffissuani ataatsiimiittarfianiippoq, kisitsinerillu naammassinneqarmata, ajugaanersiorneq hurraarutigineqarpoq.
- Qinersinerup inernerata takutippaa Kalaallit Nunaanni najugallit tamarmik tapersersoraannga, nunaqarfimmiuninngaaneersuinnaanngitsut. Siunertakka anguniakkakkalu ilaasortanit upperineqarput, Hans Enoksen nuannaaqaluni oqarpoq.