Hans Enoksen: Pitsanngorsaanissaq pillugu isumaqatigiissusiorpugut
Kalaallit Nunaata Savalimmiullu akunnerminni isumaqatigiissutaat annertusineqarpoq. Naalakkersuisut siulittaasuat Hans Enoksen Savalimmiunilu naalakkersuisut siulittaasuat Jóannes Eidesgaard isumaqatigiissut atsioaqatigiissutigaat.
Isumaqatigiissut pillugu Hans Enoksen ima oqarpoq:
- Ilisimasat nunat taakku marluk akornanni atorluarneqarnerunisssaat isumaqatigiissutigineqarpoq. Ilinniartitaaneq, kulturi, aalisarneq takornariartitsinikkut allatigullu suleqatigiissutigisinnaasatta nukittunerusumik inissinneqarnissaa aallaavigalugu isumaqatigiissusiorpugut, Hans Enoksen oqarpoq, nangillunilu:
- Savalimmiormiut misilittagaat uagutsinnut naleqqiullugit annertunerungaatsiaqaat, ilinniartitaanermut tunngasut eqqarsaatigissagaanni. Aalisarnermut ilinniarfik aamma atorluarneqarsinnaavoq. Pitsanngorsaanissaq siunertaralugu isumaqatigiissusiorpugut, Naalakkersuisut siulittaasuat Hans Enoksen Savalimmiuniit oqarpoq.