Hans Enoksen pillugu suliassiissut unitsinneqarpoq
Naalakkersuisut siulittaasuata naalakkersuisoqarfiata ippassaq ualikkut tusagassiuutitigut nalunaarutaani tamanna erserpoq.
Naalakkersuisut siulittaasuata aalisarnermik inatsimmik unioqqutitsisimannginnera nalunaarummi takuneqarsinnaavoq, soorluttaaq AEB-mik aningaasaliissutinik aqutsinermut tunngatillugu Naalakkersuisut siulittaasuannut suliakkiussaagaluartoq suliassartaqannginnerarlugu Politimestereqarfimmit naliliiffigineqartoq.
Naalakkersuisut siulittaasuat Qaqortumi innuttaasut ilaannit unioqqutitsisimasutut siorna politiinut tunniunneqarpoq. Naalakkersuisut siulittaasuat ilumut inatsisinik unioqqutitsimanersoq politimesterimit naammaginartumik tunngavissaqarsorineqanngilaq.