Naalakkersuisooqatigiinnerup killiffia nalilersorniarlugu, Partiip Siumup silersuisuuneri maannakkut pingasunut ataatsimiipput. Raajat pillugit nalunaarut nutaaq aqagu inatsisartuni taasisitsissutigineqaassaaq, Inuit Ataqatigiillu nutaap atuutiinnarnissaa, kisiartaallutik tapersersorpaat. Aalisanermut ataatsimiititaliap siulitaasuat Ane Hansen oqarpoq, naalakkersuisooqatigiinnermi isumaqatigiissut nutarterneqartariaqassasoq, raajat pillugit nalunaarut nutaaq inatsisartuni itigartitsissutigineqarpat. Naalakkersuisoqatigiinnilli tunuassanerlutik suli oqaluuserigitsit. Hans Enoksen ullumi oqarpoq, naalakkersuisooqatigiinnermi isumaqatigiissut pillugu isumaqatigiinniutissaqaratik. Siumut siulersuisuuneri ataatsimeereerpata, aqagu ullaakkut Naalakkersuisut siulitaasuat Hans Enoksen naalakkersusoqatiminut saqqummiussiniarpoq, naalakkersuisooqatigiinnermi kiliffik saqqummiullugu.
