Hans Enoksen: Inigisanut akiliutit qaffanniarneqarnerat taamaatinneqarli
A/S Inissiaatileqatigiiffiup INI-p ineqarnermut akiliutit 15 procenti tikillugu qaffanneqarnissaannik ilimasaarinera, Hans Enoksenip imatut oqaaseqarfigaa:
A/S Inissiaatileqatigiiffik INI-mut tunngatillugu Inatsisartunut pissusissamisoortippara ilisimatitsissutiginissaa, ingerlatseqatigiiffimmi piaartumik immikkut ittumik ataatsimeersuartoqarnissaa Naalakkersuisut noqqaassutigimmassuk. Immikkut ataatsimeersuarnermi pingaarnertut Naalakkersuisut saqqummiutissavaat inigisamut attartukkamut akiliutit qaffanneqarnissaanut ilimasaarineq taamaatinneqassasoq, ingerlatseqatigiiffimmi aningaasartuutikillisaasoqassasoq aamma attartortut akiligassaqarnertik pissutigalugu inigisaminnit anisitaasartut pineqartarnerat nuanninngitsoq allanngortinneqassaaq. Ilaqutariit ajornartorsiortut ikiorneqartariaqarput aamma inuttut ataqqinassuseq naleqassuserlu mianerisariaqarput.
