Hans Enoksen: 2009-mi namminersulissaagut

Naalakkersuisut siulittaasuata Hans Enoksenip statsminister Anders Fogh Rasmussen ullaaq manna ataatsimeeqatigeqqammerpaa, suut oqaluuserineqarsimanersut Hans Enoksen aperaarput.
januaarip 10-at 2008 06:27

- Ataatsimiinnermi nunatsinnut tunngasunik assigiinngitsunik eqqartuivugut. Minnerunngitsumik namminersorneq pillugu kommissionip inaarsarneqarnissaa aalajangersaaffigaarput, Hans Enoksen oqarpoq.

Taanna nangilluni oqarpoq ministeriuneq Anders Fogh Rasmussen nunatsinnukassamaartoq.

- Namminersorneq pillugu kommissionip suliaata piaartumik naammassinissaa kissaatigivara. Isumaqatigiissutigaarput kommissionimut kaammattuutiginiarlugu kingusinnerpaamik februaarip naanerani suliaq naammassineqassasoq suliarlu naammassiniariarpat ministeriuneq nunatsinnukassaaq kommissionip suliaata tunniunneqarnissaanut peqataajartorluni, uangalu tassani aamma soorunami peqataassaanga, Hans Enoksen oqarpoq.

Taanna nassuiaavoq namminersorneq pillugu kommissionip suliaa naammassippat paasisitsiniaanerillu ingerlanneqareerpata 2009-mi juunip 21-iani namminersorneq nunatsinnut eqqunneqassasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq