Hamid Karzai Afghanistanimi præsidentiuinnassagunarpoq

Afghanistanimi præsidenti, Hamid Karzai, præsidentimut sapaatip-akunnerisa marluk matuma siorna qinersisoqareersorlu præsidentitut ingerlaqqissasoq, tusarfiit pisortatigoortuunngitsut tusarliuppaat.
aggustip 24-at 2009 16:54

Præsidenti 68 procentinit taaguunneqarsimassangatinneqarpoq, taamaalilluni qinersisoqaqqittariaqarani. Afghanistanimi aningaasaqarnermut ministeri, Hazrat Omar Zakhiwal, ualilluinnaraa taama ilisimatitsivoq.

Qinersiartortukippallaarneranik oqalunnerit - taavalu qinersinermi eqqunngitsuliortoqarsimaneranik oqalunneq - pissutigalugit qinersinerup uppernassusaa qularutigineqaleraluarpoq.

Qinersinerup nunap immikkoortuini assigiinngitsuni inerneri siulliit pisortatigoortumik aqagu nalunaarutigineqassapput.

Hamid Karzai akeravissualu, Aghanistanimi nunanut allanut tunngassuteqartunut ministeriusimasoq, Abdullah Abdullah, qinersinerup kingorna tamarmik ajugaasutut imminnut suaarutigipput.

Nalunaarutilli kingulliit naapertorlugit maanna præsidentiusoq Hamid Karzai præsidentiuinnarallassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq