Hamburgimi nuisitsinermi Kalaallit Nunaat peqataavoq

Hamburgimi nuisitsinermi Seatrade Europamik taasami kalaallit umiarsuarnik takornariutinik aallutaqartut tallimat nunarput sinniisuuffigalugu peqataapput. Umiarsuarnik takornariuteqarnermik nuisitsineq ukiut tamaasa pisartoq taanna europami annersaavoq, inuussutissarsiutigalugulu suliaqartunit hornorujulikkaanit peqataaffigineqartarluni.
septembarip 16-at 2009 07:39

- Tyskit umiarsuaatileqatigiiffii arlallit peqataapput, ukiorlu manna ingerlalluarsimallutik tamarmik oqariartuutigaat, ilaasorisartagaallu Kalaallit Nunaanni immikkuullarilluinnartumik misigisaqartarsimapput. Aappaagumut uteqqinnissartik tamarmik naatsorsuutigaat, tusagarlu taanna soorunami nuannersuuvoq, Kalaallit Nunaanni Takornariartitsinermut Inuussutissarsiornermullu Siunnersuisoqatigiit umiarsuarnut takornariartaatinut siunnersortaat, Malik Milfeldt, oqarpoq.

Nuisitsinermili suna tamarmi eqqissisimaarfiunngilaq. Imarsiornermi sillimaniarneq pillugu maleruagassat nutaat, juulip ulluisa aallaqqaataani atuutilersut, tamanit nuannaarutigineqanngillat.

- Nalunaarummi nutaami allaqqavoq, 2011 aallarnerfigalugu umiatsiat annanniutit qallersimassasut. Tamannalu tunngavigalugu Finlandimiut umiarsuaatileqatigiiffiat Kalaallit Nunaaliartarunnaarniarluni nalunaarpoq, Kalaallit Nunaanni Takornariartitsinermut Inuussutissarsiornermullu Siunnersuisoqatigiit suliniutinut attaveqaatinullu pisortaat Anders la Cour Vahl oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq