Haitimiut sakkutuullu aporaapput
Aporaannerit qanittukkut aallartipput, inuillu maannamut pingasut toqutaareerlutik. Danmarkip Radioata nittartagaani taama allaaserinnittoqarpoq.
Naalagaaffiit Peqatigiit Haitimi innuttaasunit assuarineqaqaat, sakkutuut FN-imeersut nappaammik koleramik tunillaassuineragaallutik.
Inuit ikinnerpaamik 1100-t nappaammik maannamut toqquteqarsimasut Haitimi peqqinnissaqarfiup nalunaarutigaa, tunillanneqarsimasullu 18.000-it pallissimagaat aamma oqaatigineqarluni.
Tunillanneqartut piffissami qaninnermi amerliartupiloornissaat immikkut ilisimasallit aarleqqutigaat:
- Inuit 200.000-it pallillugit koleramik tunillanneqarnissaat eqqoriarneqarpoq, qaammatini tulliuttuni arfinilinni aqqaneq-marlunniluunniit siaruaatipallassinnaanissaa aarleqqutigineqarluni. Inuit 10.000-init amerlanerusut nappaammik toqquteqarsinnaanissaat aarleqqutigaarput, Ciro Ugarte, Pan-American Health Organizationimeersoq oqarpoq.