Haitimiut perusuersartarfeqannginneq ajornartorsiutigaat
Nappaammik koleramik nappaateqarlutik toqusartut amerlineranni aammalu bakteriat aqqutigalugit nappaatinik allanik tuniluunnerup nalaani, maanna brasiliamiut ikiuuttut, Folkekirkens Nødhjælpemit tapersersorneqartut, ajornartorsiut tamanna aaqqiiniarsaraat.
Port-au-Princep suliffissuaqarfiisa eqqaani, brasiliamiut ikiuuttut sanavaat, perusuersartarfik biogassimik atortuligaq.
Perusuersartarfik atorneqareeruni nusuttariarlu nusunneqareeruni, sinnerutissapput gassinnguuttussat aammalu imeq. Taakku sinneruttut Haitip orpippassuini aserortigaanikooqisuni naggorissaatitut atorneqassapput. Imerlu perusuersartarfimmi atorneqartoq salinneqareeruni, aalisakkanik uumatitsivimmut ingerlaartinneqartassaaq.
Perusuersarnerup kingorna gassimik toqqorsivimmut tankip bakteriat koleramut tuniluussinnaasut toqorarsinnaavai suujunnaarsillugit, tamatumalu kingorna naasorissaat imerlu sinneruttoq allanut atorneqarsinnaalersimassalluni.
Biogassi aamma allamut iluaqutaavoq, tassalu meeqqat 700-t nerisassaannik iganermi iluaqutigineqarluni. Sapaatip akunneranut ataasiarlutik meeqqat nerisinneqartarput.
