Haitimiunut katersat ikigineqarput
2004-mi tassaarsuarmit ajunaartut 220.000-iupput. Taamani eqqugaasut ikiorneqarnissaannut, nunani tamalaani Røde Korsit 16 milliardit koruuninik tunissuteqarfigineqarput. Haitimi ikiuiniarnermut maannamut taamaallaat 3 milliardit koruunit tunissutigineqarsimapput.
Jean Francois-Mattei, Frankrigimi Røde Korsip pisortaa oqarpoq, Haitimut ikiuiniarnerup iluatsinnginneruneranut, tassaarsuarmit eqqugaasunut aningaasat ikiuiniarnermut atorneqartussat, qanoq atorneqarnerat tusagassiuutinit sammineqarnerat ilaatigut pissutaasoq.
- Taamaalilluni ikiuutissatut aningaasaliissutigineqartut ikileriarnerat tupaallaatissaanngilaq, Frankrigimi Røde Korsip pisortaa Ritzauimut oqarpoq.
Haitimi nunap sajunneranit ajunaartut pisortatigoortumik nalunaarutigineqartut maanna 200.000-iunerarneqarput. Nutaarsiassaqartitsivimmi Ritzauimi taama allaaserinnittoqarpoq.