Haitimi pinerlunniat sorsuutilernissaat ernummatigineqarpoq

Haitimi illoqarfiit pingaarnersaanni Port-au-Princemi nunap sajunnera sioqqulluguli peqqarniitsunik tamaani pinerlunniartartoqarnera tusaamapilunneqarpoq.

- Illoqarfiup immikkoortoqarfiini piitsoqarfiusuni pinerlunniartartunut naalaganngorniullutik aaqqissuusseqqilersut ilimagilluinnarpara, Naalagaaffiit Peqatigiit sakkutuuisa eqqissisimatitsiniartuusut pisortaat Floriano Peixoto oqarpoq.

Taamaaliussagunillu akersuuteqqaartariaqarput. Tamannalu kissaatiginartinngikkaluaqalugu Floriano Peixoto oqarpoq.

Naalagaaffinnit Peqatigiinnit qanittukkut mianersoqqussutigineqarpoq, USA-p sakkutuuni 10.000-iusut nunamit tassannga angerlartippagit, Haitimi pinerlunniartartut Haitimiunut politiinut Naalagaaffiillu Peqatigiit sakkutuuinut naalatsikkuminaassaqisut. Naalagaaffiit Peqatigiit sakkutuui Brasiliamiut sakkutuuinit 900-nit ikiorserniarneqarput.