Haitimi ajunaarnersuaqarneranut atatillugu katersuiniartoqalerpoq
Kalaallit Røde Korsiat Haitimi nunap sajunnerani eqqugaasunut nuna tamakkerlugu maannakkut katersuiniartitsilerpoq.
Allattoq Bikki P. Kleist
Kalaallit Nunaanni allanik ikiuiniartarnerit tapersersorneqartartorujussuupput, taamaattumik Kalaallit Røde Korsiat neriuuteqarpoq, nuna tamakkerlugu katersuiniarnerput tapersersorluarneqarumaartoq, Kalaallit Røde Korsiata siulittaasuata Tove Blidorf oqarpoq.
Nuna tamakkerlugu katersuiniarneq januarip 15-ianit 28-iata tungaanut ingerlassaaq.
Katersuiniarnermut atatillugu tapersiiniartut kontomut uunga ikisisinnaapput: 6471 – 8008008, Grønlandsbanken.