Haagimi naliliiffiginiarpaat

Haagimi Nunat tamat eqqartuussiveqarfianni apeqqut taannarpiaq naliliiffigissavaat.

Haagimi Nunat Tamat pinerluuteqarsimasunik eqqartuussivianniit Sudanimi præsidenti, Omar Al Bashir Darfurimi inuiaat nungusarneqarneranni aamma arnat nivissallu tuusintillit pinngitsaalineqartarnissaannik sorsuttartunut Janjaweed-inut naalakkiisimasutut unnerluutigineqarpoq. Pinerlunnerillu ulluni makkunani ingerlanneqarput. Eqqartuussivimmi unnerluussisoq oqarpoq, Darfurimi inuiaat suli nungusarneqartut, arnat nivissallu qimaasunut qimaaffissianiittut tuusinyillit suli pinngitsaalineqartartut – nakorsaatinik nerisassanillu ikiuiniartut anngunneq ajortut, qimaasullu 5.000-it qaammatip ataatsip ingerlanerani toqusartut. Arnat nivissallu pinngitsaalillugit arneriffigineqartut amerlasuut naartulertarput, meeqqallu inunngoraangamik akeqqat meeraattut isigineqarlutik toqunneqartarnerat nalinginnaavoq.

Eqqartuussivimmi ilisimannittutut nalunaajaasoq oqaluttuarpoq, Darfurimi angutit toqorarneqartut inuiaallu nungusarniarlugit arnat pinngitsaalisarlugit aatsik akoorneqartoq. Taamaaliornikkut inuiaat immikkuullarissusaat nungunneqarsinnaavoq, nungusaalluni toqoraanermut sanilliunneqarsinnaasoq.