H1N1-imut akiuussutissat amerlavallaat pisiarineqarsimapput
Nunat killiit nualluummut H1N1-imut akiuussutissanik amerlavallaanik pisisimapput. Akiuussutissatut kapuutit 180 millionit sinnerupput, akiuussutissallu Naalagaaffiit Peqatigiit peqqinnissakkut suleqatigiiffiannut WHO-mut tunniunneqarput. Danmarkip Radioata nittartagaani tamanna allaaserineqarpoq.
Frankrigip akiuussutissatut kapuutit 94 millionit pisiarai, 3 millioniinnaalli atorlugit. Tuluit Nunaannit pisiat 60 millioniupput, 5 millionillu atorneqarsimallutik, H1N1-imullu akiuussutissat 3,1 millionit Danmarkimit pisiarineqarput, 300.000-iinnaalli atorneqarlutik.
Akiuussutissat sinneruttut nunanut nappaalaffiusinnaasutut WHO-mit nalilerneqartunut tunniunneqassapput.
Afghanistan, Aserbejdsjan Mongolialu akiuussutissanik piumasaqarsimapput.