H1N1-imik nappaat nunarsuaq tamakkerlugu siaruaakkiartorpoq
Influenza A-mik nappaat, H1N1-imik aamma taaneqartartoq, nunarsuaq tamakkerlugu siaruariartortoq, Naalagaaffiit Peqatigiit peqqinnissakkut suleqatigiiffiata, WHO-p nalunaarutigaa.
Allattoq Mads Lynge
Influenza A-p, siornatigut puulukit nappaataannik taaneqartartup kingunerisaanik toqquteqartut nunarsuaq tamakkerlugu amerliartuinnavimmata, nunat tamarmik nappaammik eqqorneqarnissaat WHO-mi ilisimatuut oqaatigaat.
Nunat WHO-mi ilaasortaasut katillugit 193-iupput, taakkunanngalu 160-it nappaammik eqqorneqarsimallutik.
Inuit maannamut toqusimasut katillugit 800-t missaanniipput.