Guvernørip Ukrainep illoqarfiisa annersaata tulliata qeqqata rakettinik saassunneqarsimanera nalunaarutigaa
![](/sites/default/files/styles/image_934x467/public/article_images/20220301095216393_1000.jpg?itok=hL7w_x7H)
Marlunngormat russit rakettinik saassussineranni Ukrainep avannamut kangiani illoqarfiisa annersaata tulliata Kharkiv-ip qeqqa eqqorneqarsimanerarneqarpoq.
Illoqarfiup guvernøria, Oleg Sinegubov naapertorlugu Ruslandip krydsermissiliinimik aamma Grad-missilinik taaneqartartut qamussuarnit sorsuutinik igeriunneqartartunit eqqorsimavaa.
- Taamatut saassussinerit tassaapput Ukrainemiunik nungusaalluni toqoraanerit. Inuinnarnut sorsunnikkut pinerluttuliorneruvoq, siger Sinegubov inuit attaveqaqatigiittarfiini videomi aaqanngitsumik aqerlumit pitagassaanngitsumit niaqorornaveeqqummillu oqarpoq.
Marlunngornermi ulloqeqqata siornatigut Ruslandip rakettimik saassussinerarneqarnerani toqutaasoqarsimanersoq imaluunnit ajoqusertoqarsimanersoq nalunaarutigineqanngilaq.
Sinegubov oqarpoq Kharkiv manna tikillugu suli Ruslandip saassussineranut nakkaannanngitsoq.
Ukrainep nunanut allanut ministeriata Dmytro Kulebap Ruslandimut kinguneqartitsinerit amerlanerusut ujartorpai Kharkivimut "naakkitaatsorsuarmik" saassussinerup kingornatigut.
- Præsident Vladimir Putin-ip Ukraine tunniutiinnartissinnaanngilaa. Sorsunnermi pinerluttuliornerit arlallit ingerlappai pakatsinini pissutigalugu. Inuinnaat sunngitsut toqorarpai.
- Nunarsuaq annerttunerujussuarmik iliuuseqarsinnaallunili iliuuseqartariaqarpoq. Tatisinedq annertusissiuk Rusalndilu tamakkiisumik kisimiilersillugu imikkortissiuk, nunanutb allanut ministeri attaveqaqatigiittarfinni allappoq.
Tusagassiorfik AFP naapertorlugu Kharkiv 1,4 milliuunit missaannik inoqarpoq.