Guutimik mitalliisimasutut eqqartuunneqartut
Danskit aviisiini aaqqissuisut aqqanillit aviisinilu titartaasartoq Kurt Westergård pillugit Jordan-ip illloqarfiisa pingaarnersaanni Amman-imi eqqartuussivimmi eqqartuussineqassaaq. Guutimik mitalliisimasutut profet-imik asissuisimatut Jordan-ilu inuiattut avissaartinniarlugu iliuuseqarniarsimasutut unnerluutigineqassallutik.
Allattoq Louise M. Kleemann
apriilip 22-at 2008 08:09
Qallunaat taamatullu Hollandimioq upperisamik Islam-imik isornartorsiusartoq Geert Wilder eqqartuunneqarnissaannik akisussaasup naalagaaffiup eqqartuussissuserisuata Hassan Abdullatip piffissaq kingulleq atorlugu Jordanip kunngiata mitalliissutigineqarneranik unnerluussineq atorunnaarsippaa.
Eqqartuussinissamik tunniussisuupput suliniaqatigiiffik taaguuteqartinneqartoq "Profiitip katersuutsippaatigut". Suliniaqatigiiffiup siulittaasua aviisip Al-Haqiqap aaqqissuisuisa Zakaria aviisimut Politikenimut oqarpoq, eqqartuussineq allartinniariartoq danskit aviisiinni aaqqissuisuit Holland-imiorlu Geert Wilders, tigusarineqarnissaanik piumasaqartoqassasoq, tamannalu interpol aqqutigalugu ingerlanneqassasoq.
