Guitariliortartut orpiutitik piujuaannartikkusuppaat

Guitariliortartut orpiliat namminneq atortakkamik piujuaannarnissaat ilungersorlutik angunialerpaat.

Guitarillammassuit Neil Young, Brian Adams, Eric Clapton, Paul Simon allallu tusaamasarsuit guitarii sunaaffa aamma orpiliassap qisuanit aalajangersimalluinnartunit sanaajusarput.

Orpiliassat qisuttai Sitka Alaskap orpippassuineersut atorneqartarsimapput.

Alaskami orpippassuarni orpiliassat taakku assorsuaq piiarneqartarsimapput, piujuaannarniassammatalu guitariliorfiit maanna suliniuteqalersut, tuluit aviisiat, The Independent, allappoq.

Guitariliorfiit ukuusut: Taylor, Fender, Gibson aamma Martin, orpinnik killuisartunut kajumissaaripput, Orpippassuarni nakkutilliisut siunnersuisoqatigiivinut ilaasortanngoqqullugit, quassuttuut nungusaataanngitsumik tunisassiarineqartarnissaat orpippassuarni nakkutilliisut siunnersuisoqatigiit anguniagarisuuvaat.

Qisuk guitariliornermi atorneqartartoq Alaskap kujammut kangisissortaanit Canadamiillu annertunerusumik pissarsiarineqartarpoq.