Guantanamomi parnaarussivik ukiunik arfinililiivoq
Amerika qiterlermi qeqertami Cubami amerikamiut sakkutooqarfiat parnaarussiviutigisoq Guantanamo parnaarussivittut atuutilernernimiit ullumi ukiunik arfinilinngortorsiorpoq.
Allattoq Najaaraq Egede
januaarip 11-at 2008 17:08
Parnaarussat piffissap ilaani 700-nngortarsimapput, maannalu 270-it sinnerussimalerpoq, taakkulu Afghanistanimeersuullutillu Pakistanimeersupput.
Naallu iperagaasoqallattaaraluartoq nutaanik parnaarussanik takkuttoqallattaartuarpoq.
Guantanamomi parnaarussivik 2002-mi januaarip ulluisa aqqarnarni atuutilernerata siornagut Camp X-ray-imik taasaq qaqqartuup narsartaaniittoq parnaarussanut atorneqarsimagaluarpoq.
Camp X-ray 1 gange 1,5 meterisut atsigisunik isertitsiveqartoq, ulluunerani kiassuarmik unnuamilu qiianamik sussaasarsimanngilaq. Taanna maajip 2002-p tungaanut atorneqarpoq.
Guantanamomi parnaarussivik Camp Deltamik taagugaq illunik matoqqasunik isertitsivissartaqarnini pillugu parnaarussanut iluarnerulaartoq oqaatigineqarpoq.
