Guantanamomi parnaarussaasimasoq tillitooq
Danskeq Guantanamomi paarnaarussaaqqasimasoq allakkanik aatsisartutut tillituutut eqqartuunneqarsimavoq, tassa dankortinik tilleriarluni katillugit 105.000 koruuninik tigusissutigisarsimagamigit.
Allattoq Elisa Isaksen
Angut taanna 34-nik ukiulik eqqartuunneqarnermi nalaani ataasinnguamilluunniit oqarsimanngilaq, illersuisua Martin Vangkilde oqarpoq 1980-imili inatsisilerituutut allagartartaaramili aatsaat taamatut misigisaqarluni.
Guantanamomi paarnaarussaasimasoq qaammatini qulini paarnaarussassanngorlugu Grevemi eqqartuunneqarpoq. Angutip dankortit tillitani atorlugit aningaasanik tigusileraangami kinaanini isertuuttarsimanngilaa.
Angutip uffarfiani kiassaatip tunuani taamaallaat 14.000 koruunit allakkat puussaaniittut nassaarineqarsimapput.