GU-mut siorasaarisoq pineqaatissinneqartoq
Angut 28-inik ukiulik toqutseriarsimasutut unnerluunneqaqqaaraluarpoq, paasiniaanermili paasineqarsimavoq taamaanngitsoq.
AAMMA ATUARUK Siorasaarisutut pasisaq ulluni 25-ni tigummigallagaassaaq
Ullumikkullu pinerluttulerinermi inatsit §98 naapertorlugu, tassa pisortat oqartussaatitaanik narrunarsaasutut, siorasaarisimasutullu eqqartuunneqarpoq.
- Angut inuusuttoq eqqartuusaanermini nipaallunilu eqqissisimavoq.
- Eqqartuussaasut februarip tallimaani Ilinniarnertuunngorniarfiup attaveqatigiittarfia atorlugu siorasaarisimanini nassuerutigaa. Siorasaarinerminut atatillugu Columbinemi pisimasumut innersuussisimavoq (Amerikami illoqarfiit ilaanni 1999-mi aallaasersortoqarmat inuit 12-t toqutaammata pisimasoq), KNR-ip tusagassiisui nassuiaapput.
Angut pineqaatissinneqartoq qallunaat nunaanni tarnimikkut nappaatillik napparsimmavianni katsorsarneqassaaq, aammattaaq ikiaroornartumik atornerluisuunerminut katsorsarneqassalluni.
Danskit napparsimmaviani nakorsaanerup Dronning Ingrid Napparsimmavia kiisalu Pinerluttunik Isumaginnittoqarfik suleqatigalugit pineqaatissinneqartoq katsorsarneqarnera qaqugu naammassissanersoq aaliangerneqassaaq.
AAMMA ATUARUK Angutip inini iserfigitsaaliorsimavaa
AAMMA ATUARUK VIDEO Nuummi GU-mut aallaasersornissamik sioorasaarisoqarnera pissutigalugu politiit qimagussortitsisut