GTE pisortaanissaminik toqqaavoq
Kalaallit Nunaanni Takornariaqarnermi Inuussutissarsiornermilu Siunnersuisoqatigiit, GTE-p, pisortaagallartoq, Thomas Rosenkrands, qinnuteqartunit 18-init pisortaanertut atorfinitsippaat.
oktobarip 29-at 2007 10:44
Thomas Rosenkrands Kalaallit Nunaanni Takornariaqarnermi Inuussutissarsiornermilu Siunnersuisoqatigiinni ukiut pingasut sinnerlugit atorfeqareersimavoq, paasissutissiineq, allaffissorneq qullersaqarfillu ilaatigut isumagisarisimallugit.
Pisortaaninngortoq kalaallimik nuliaqarpoq, pingasunik qitornaqarput Nuummilu najugaqarlutik.
Kalaallit Nunaanni Takornariaqarnermi Inuussutissarsiornermilu Siunnersuisoqatigiinni ukiuni kingullerni ineriartortitsisimanerput Thomas Rosenkrandsip atorfinitsinneqarneratigut ingerlateqqinniarparput, siulersuisunimi ilaasortat tamanna kissaatigaat, siulersuisuni siulittaasoq, Bjarne Eklund, tusagassiutinut nalunaarummi allappoq.
