GSS marloriarluni ajugaavoq

15-iinnarnik ukiulik måliniittuulluni takutitsilluarpoq assammik arsarnermi Brugsen Jule Cup aallartimmat.
Allattoq Noah Mølgaard
decembarip 20-at 2010 11:50

GSS-ip arnartai NÛK-mit unammillerluarneqarpoq Brugsen Jule Cupimi unamminerit siulliit ingerlanneqarmata. Taamaattorli sungaartunik kiatillit 26-24-mik ajugaapput.

NÛK-mi misilittagartooq Karen Marie Kyed Meyer arsarluarpoq qulinik isertitsilluni taakkunanngalu arfineq pingasut mumereernermi isertippai.

- Unammisulli tamarmik amerlasuunik unammineq tamaat kukkusaqattaarput. Muminnermilu GSS 11-0-mik siuaqqavoq Andrea Andreassen aamma Pipaluk Møller arsarluarallartillugit, taama aaqqissuisut GSS-imeersut nalunaarput.

Siunissami ateq Daniel Egede tusartalissannguatsiarparput. Tassaavorlu 15-iinnarnik ukiulik NÛK-mi målmandiusartoq taannalu aaqqissuisunit klubbiminillu nersualaarneqarpoq sapaammi ualikkut unammineq ingerlanneqareersoq. Tassani GSS 32-28-mik ajugaavoq.

- NÛKp Daniel Egede qujaffigisariaqarpaa kinguarnerunnginnamik. Naak inuusukkaluaqaluni unammineq tamaat annertuunik annaassisaqattaarpoq, taama GSS nalunaarpoq.

Brugsen Jule Cup-imi unamminerit tulliit decemberip 27-iat ingerlanneqassapput tassani GSS-meersut unammissavaat ilinniartut Danmarkimiikkallartut taakkulu imminnut taasimapput atuartut.dk.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq