GSS arnani angutinilu assammik arsarlutik pissartanngorput
Kalaallit Nunaanni inuusuttut assammik arsarlutik pissartanngorniunneranni timersoqatigiiffik Nuumminngaaneersoq GSS arnani angutinilu pissartanngorput.
Allattoq Lotte Holm
Arnat pissartanngorniutivinneranni GSS Sisimiuninngaanersuunut SAK unammipput, unamminermilu tassani Najaaja Lyberth GSS-iminngaaneersoq isertitsingaatsiarluni unamminerup immikkoortuani siullermi GSS 15-inik siuaqqatippaa SAK arfineq marloraartoq.
Unammineq naammassimmat GSS 38-inik isertitaqarluni pissartanngorpoq SAK 21-inik isertiqarluni sølvinnattoq. Angutit pissartanngorniutivinneranni GSS Nuumminngaaneersut Kaassassummut Maniitsuminngaaneersumut unammimmata GSS 47inik isertiqarluni pissanngorpoq Kaassassuk Maniitsumeersoq 29-inik isertitaqartoq.