GSS ajugaassangatinneqarpoq
GSS ukiormanna Nunatsinni pissartaasoq Faxe Cupimi ajugaasussatut ilimagineqarpoq.
Allattoq Elisa Isaksen
oktobarip 22-at 2010 06:42
Assammik arsarneq Faxe Cup ippassaq aallartimmat unammisut siulliit tassaapput GSS aamma Nûk. Unamminermi ajugaavoq GSS 29-raaluni Nûk 25-raartoq.
Ukiormanna unammisaqattaarnermi holdit sisamat peqataapput, tassaasut GSS aamma Nûk, Nuummeersut, SAK Sisimiuneersoq kiisalu Kâgssagssuk Maniitsumeersoq.
SAK-p aamma Kâgssagssuup unammineranni SAK ajugaavoq 36-raarluni Kâgssagssuk 29-raartoq.
Unammeqattaarnerit Inussivimmi unnugu nanginneqassapput.
