Grønlandshavnimi sulisut suliumajunnaarput

Grønlandshavn-imi Ålborg-imiittumi suliumajunnaartoqaqqippoq. Ullut 14-it qaangiutinngitsulluunniit umiarsualivimmi sulisut Ålborg-imi aaqqataajaqqeriikatapput.

Royal Arctic Line-mi allaffissornikkut pisortaasup, Erik Møllerip, Ålborg-imilu umiarsuit usingiarneqartarnerannik usilersorneqartarnerannillu akisussaasuusup oqaatigisinnaannginnerarpaa, suliumajunnaarneq Kalaallit Nunaannut containerersornikkut eqquisinnaassanersoq.

- Oqaatigineqareersinnaavoq kinguaattoor-fiussasoq qanorli annertutigisumik assartuinikkut kinguaattoorfiussanersoq oqaatigisinnaanngikkallarpara, Erik Møller oqarpoq.

Ilanngullugu oqaatigaa, Irena Arctica container-inik useqarluni taleqqasoq, pilersoorutaasorlu aqagu unnukkut Kalaallit Nunaanukarnissaa, aallarnissaali ilimananngitsoq.

Talittarfimmi sulisut aqagu ullaaralaannguakkut naapinneqassapput, suliatik ingerlateqqinniarneraat

isumaqatiginiarneqassammata.

Grønlandshavn-imiinnaanngitsoq suna tamarmi unittooqqavoq. København-ip Umiarsualiviani talittarfimmi sulisut aamma suliumajunnaarput, sulisut sinniisaat, Martin Serup, suliumajunnaarnertik pillugu ima nassuiaavoq:

- Sulisut naammagiunnaagaat tassaavoq isumaqatigiinniarnerit unittooqqaneri qularnanngittumillu sulisitsisut aningaasarsiatigut qaffaajumannginnerat aamma pissutaaqataavoq, inuppassuimmi assartuinermik suliaqartut

aningaasarsiakkippallaarput.