Grønlandsbankenip kvartalikkaartumik nalunaarusiamini, ippassaq saqqummersumi, naatsorsuutigaa, nunatsinni aningaasarsiornikkut qaffakkiartorneq 2007-imi minnerulissasoq.
Taama nalunaaruteqarneq pivoq, aningaaseriviup ukiormannamut isertitassani ippassaq naatsorsuusiorluareeraalu.
2006-imi kvartalini siullerni pingasuni sinneqartoorutit akileraarutit peernagit 75,5 millioner koruuniupput. Taakku siornamut sanilliullugit 5 millioninik amerlanerupput.
Naak aningaaseriviup aappaagu siuariartuinnarnissani ilimagigaluarlugu, 2006-imitut siuariartiginissani ilimaginngilaa.
Aningaaseriviup ilimagaa, inuiaqatigiinni aningaasarsiornikkut qaffakkiartorneq illoqarfinni ukunani malunnarnerussasoq: Nuuk, Qaqortoq, Sisimiut aamma Ilulissat.