GrønlandsBANKEN aatsaat taama sinneqartooruteqartigaaq

GrønlandsBANKEN-ip ukiumoortumik naatsoortaani saqqummiunneqaqqammersuni takuneqarsinnaaavoq 2012 aningaaserivimmut iluanaarutaanerpaasoq. 135 mio. kr.-inik sinneqartooruteqarpoq. Siorna angusanut annertunerungaatsiartumik pitsanngoriaataavoq, GrønlandsBANKEN-imi taamani 78 mio. kr.-inik sinneqartooruteqarmat.
Allattoq Peter Troelsen, Simon Uldum
februaarip 23-at 2013 09:26

Ukiumoortumik angusat aktiaatillit 99 mio. kr.-inik iluanaaruteqartitsipput taamaattumillu ilaatigut NunaFonden, aningaaseriviup akitiaataanik 13 %-inik piginnittuusoq isertitaqarluartussanngorluni.

- Illoqarfinni anginerni, pingaartumik Nuummi, Sisimiuni Aasiannilu inuinnarnut taarsgassarsiarititavut qaffariangaatsiarsimapput, taamaammat sullitanik siunnersortivut ulapissimaqaat. Ataatsimut isigalugu sulisut tamarmik annertuumik sulisimapput, tamatumalu ukiumoortumik angusani takuneqarsinnaanera nuannersupilussuuvoq, aningaaseriviup pisortaa Martin Kviesgaard oqarpoq.

GrønlandsBANKENip ukioq aggersoq, inuiaqatigiinni pingaarutilinnik aalajangiiffiusussaq toqqissisimalluni iserfigissavaa,  ukiumili aggersumi ineriartortitsinissat annikitsuinnaasussaarpasipput aningaaseriviullu niuernikkut annikitsuinnarmik ineriartorfiunissaa naatsorsuutigaa.

-Aningaaseriviup ineriartorfiunera pitsaasuullunilu patajaatsuuvoq, qanittukkulli aatsitassatigut aallartitsisoqanngippat akit nikerarnerisa ammut ingerlalernissaati ernumanartortaqalaarpoq, Martin Kviesgaard oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq