Grækerit tusindilikkaat kingumut suliumajunnaarput

Suliumajunnaarnerit nunami silaannakkullu angallannermik unittoortitsipput - bussini, qimuttuitsuni timmisartunilu - sulisut suliumajunnaarmata, DR allaaserinnippoq.

Oqartussat sulisut aningaasarsiaanik appaanissaq aalajangereeraallu aamma ministereqarfinni akileraarnermullu allaffinni sulisut suliumajunnaarput.

Peqqinnissaqarfik aamma eqqugaavoq. Napparsimmavinni nakorsat pisariaqavissuinnarnik tigooqqaapput, allaammi Grækenlandimi TV-qarfik eqqugaavoq.

Oqartussat akissarsianik appaanermik saniatigut soraarnerussutisiaqalernissamut ukiut qummut qaffaanissaannik aalajangernerat sulisartorpassuit naammagittaalliuutigaat, taamaattumik sulisartut kattuffiisa illoqarfiit pingaarnersaanni Athenimi akerliussutsimik takutitsinissarsuarnut ullumi aggersaapput.